13 июл 13:08
Янгиликлар
Бокс/ММА
UFC 305 турнирининг асосий карди учун яна бир қизиқарли жанг эълон қилинди
Аввал хабар берганимиздек, 18 август куни Австралиянинг Перт шаҳрида UFC 305 турнири бўлиб ўтади.
Ушбу оқшомдан ўрин олган яна бир жанг маълум бўлди.
Енгил вазн тоифасида польшалик аралаш яккакураш устаси, чемпионлик учун собиқ даъвогар Матеуш Гамрот турнир доирасида октагонга чиқади. Унга Янги Зеландия вакили Дэн Хукер рақиблик қилади. Жанг асосий кардга киритилган.
Турнирнинг марказий жанги эса ўрта вазн чемпиони, ЖАР вакили Дрикюс Дю Плесси ҳамда нигериялик собиқ чемпион Исраэль Адесанья ўртасида кечади.
Маълумот учун, Матеуш Гамрот фаолияти давомида 26 та жанг ўтказиб, 24 ғалаба ва 2 мағлубият қайд этган. Дэн Хукер эса ўз ҳисобига 23 ғалаба ва 12 та мағлубиятни ёздириб қўйган.
Ҳавола :
Манба : MMAJunkie
Фикрлар