28 июн 15:02
Янгиликлар

Бокс/ММА

UFC 305 турнирининг яна бир қизиқарли жанги эълон қилинди + ФОТО

17 август куни Австралиянинг Перт шаҳрида UFC 305 турнири ўтказилади.

Оқшомнинг асосий кардидан ўрин олган яна бир жанг эълон қилинди.

Оғир вазн тоифасида австралиялик аралаш яккакураш устаси Тай Туиваса мусобақа доирасида октагонга чиқади. Унга ўша куни суринамлик Жаирзиньо Розенстрайк рақиблик қилади.

Маълумот учун, турнирнинг марказий жанги ўрта вазн чемпиони Дрикюс Дю Плесси ҳамда собиқ чемпион Исраэль Адесанья ўртасида кечади.

31 ёшли Тай Туиваса фаолияти давомида 21 та жанг ўтказиб, 14 ғалаба ва 7 мағлубият қайд этган. Унинг рақиби Жаирзиньо Розенстрайк ҳисобида эса 14 та ғалаба ва 5 та мағлубият бор.