UFC 307. 38 ёшли Жозе Альдо иштирокидаги жанг тўлиқ давом этди + ФОТО

UFC 307 турнирининг асосий кардидан ўрин олган қизиқарли жангларнинг бирида америкалик Марио Баутиста ярименгил вазнда собиқ UFC чемпиони бразилиялик Жозе Альдога қарши октагонга чиқди. Уч раунд тўлиқ давом этган жангда Марио ҳакамларнинг айри (2:1) қарори билан ғалаба қозонди. Ҳакамларнинг икки нафари Баутистага, яна бир Альдога 29:28 ҳисобидаги ғалабани тақдим этган.   

Бу Баутиста учун кетма-кет қозонилган еттинчи ғалаба бўлди. Унинг ММАдаги рекорди 15 ғалаба ва 2 мағлубиятни ташкил қилмоқда. Тажрибали Альдо ҳисобида эса 32 ғалаба ва 9 мағлубият бор. У 18 та жангини муддатидан аввал қўлга киритган.