29 авг 17:24
Янгиликлар

Бокс/ММА

UFC 308. Нурсултон Рўзибоев билан бир оқшомда Қирғиз вакили ҳам жанг қилади

26 ёшли қирғизистонлик аралаш якка кураш устаси Миктибек Оролбайнинг кейинги жанги тафсилотлари маълум бўлди.

У 26 октябрь куни Абу-Даби шаҳрида (БАА) ташкил этиладиган UFC 308 турнирида иштирок этади.

Ўша куни Оролбайга Польша вакили Матеуш Ребецки рақиблик қилади.

Мусобақанинг марказий жанги ярим енгил вазн чемпиони Илия Топурия ҳамда Макс Холлоуэй ўртасида кечади. Аҳамиятлиси, турнир доирасида ҳамюртимиз Нурсултон Рўзибоев татаристонлик Ринат Фахретдинов билан жанг қилади.

Бу Оролбай учун UFC'даги учинчи жангга айланади. У бундан аввалги иккита жангида ғалаба қозонган эди.