16 фев 11:41
Янгиликлар

Бокс/ММА

UFC 313 турнирининг файткарди яна бир жанг билан бойиди

Бизнинг вақт билан 9 март тонгида АҚШнинг Лас-Вегас шаҳрида рақамланган UFC 313 турнири бўлиб ўтади.

Ташкилотчилар томонидан ушбу оқшомнинг яна бир жанги эълон қилинди. Енгил вазн тоифаси вакиллари Жалин Тёрнер ва Игнасио Бахамондес халқаро хотин-қизлар байрами куни ўтказиладиган турнирнинг прелим кардини тўлдиришди.

Тёрнер ўтган йилнинг апрель ойида Ренато Мойканога иккинчи раундда техник нокаут эвазига имкониятни бой берганди. Бахамондес эса сўнгги жангини 2024 йилнинг сентябрь ойида ўтказиб, биринчи раундда Мануэль Торресни техник нокаут билан мағлуб этган эди.

Эслатиб ўтамиз, UFC 313 турнирининг асосий жанги яримоғир вазн тоифасида бразилиялик чемпион Алекс Перейра ҳамда россиялик даъвогар Магомеда Анкалаев ўртасида бўлиб ўтади.