15 апр 13:50
Янгиликлар

Бокс/ММА

UFC 315 турнири учун навбатдаги томошабоп жанг эълон қилинди (ПОСТЕР)

11 май куни Канаданинг Квебек провинцияси, Монреаль шаҳрида навбатдаги рақамланган UFC турнири бўлиб ўтади.

Мусобақадан ўрин олган яна бир беллашув маълум бўлди.

Унга кўра, енгил вазн тоифасида UFC рейтингида 13-ўринни эгаллаб турган Франция вакили Бенуа Сен-Дени турнир доирасида испаниялик Йоэль Альварес билан баҳс олиб боради.

Мусобақанинг асосий жанги ярим ўрта вазн тоифасида амалдаги UFC чемпиони Белал Мумаммад иштирокида кечади. Асли фаластинлик, ҳозирда АҚШ номидан ўз жангларини ўтказаётган Белал UFC рейтингида бешинчи ўринни эгаллаб турган австралиялик Жек Делла Маддаленага қарши октагонга чиқади.

Турнирнинг co-main event жанги эса аёллар енгил (57 кг) вазн тоифаси чемпиони, қирғизистонлик Валентина Шевченко ҳамда UFC рейтингида иккинчи поғонадан жой олган франциялик даъвогар Манон Фиоро ўртасида кечади.