UFC 321 турнирининг тўлиқ карди: Аспиналл – Ган, Волков – Алмейда, Нурмагомедов – Баутиста

Дунёнинг энг кучли Лигаси матбуот хизмати ушбу турнирнинг тўлиқ кардини эълон қилди. Оқшомнинг асосий жанги оғир вазн тоифаси чемпионлиги учун амалдаги камар соҳиби, британиялик Том Аспиналл ҳамда рейтингда биринчи ўринда бораётган франциялик Сирил Ган ўртасида ўтказилади. Бу Аспиналл учун илк ҳимоя жанги бўлади. Жон Жонс кетганидан кейин Том тўлақонли чемпионга айланганди. Унгача у вақтинчалик камар эгаси эди. 

Турнирнинг co-main event жанги аёллар минимал вазн тоифасида ўтказилади. Вакант бўлиб турган чемпионлик камари учун рейтинг пешқадами Вирна Яндироба ўзидан тўрт поғона қуйида бораётган Маккензи Дернга қарши октагонга чиқади. Бу чемпионлик камари Чжан Вэйлига тегишли эди. Хитойлик аралаш яккакураш устаси Валентина Шевченконинг камари учун жанг қилиши боис, унинг чемпионлик унвони вакант дея эълон қилинганди.

Абу-Даби турнири доирасида уч нафар россиялик аралаш яккакураш усталари ҳам рейтинг жангларида октагонга кўтарилади. Ўта енгил вазн рейтингида иккинчи ўринни банд этган Умар Нурмагомедов рейтингнинг тўққизинчи поғонасида бораётган америкалик Марио Баутистага қарши жанг ўтказади. 

Оғир вазн рейтингида иккинчи ўриндан жой олган Александр Волков ўзидан уч поғона қуйида бораётган бразилиялик Жаилтон Алмейдага қарши жанг қилади. Ушбу жанг ғолиби чемпионлик камари учун мажбурий даъвогарга айланади. Яримоғир вазнда Азамат Мурзаканов (рейтингда 10-ўрин) Александр Ракич (7-ўрин) билан ҳисоб-китоб қилади.

Прелим кард жанглари:

Енгил вазн: Насрат Хакпараст – Куиллан Салкиллд

Ўрта вазн: Икрам Алискеров – Юн Ёнг Пак

Енгил вазн: Людовит Клайн – Матеуш Ребецки

Енгил вазн: Абдул-Карим Ал-Селвади – Матеус Камильо

Оғир вазн: Вальтер Уокер – Луи Сазерленд

Ярим енгил вазн: Натаниэль Вуд – Хосе Мигель Дельгадо

Оғир вазн: Хамди Абдельвахаб – Крис Барнетт

Ўта енгил вазн: Азат Максум – Митч Рапосо

Аёллар минимал вазн: Жаклин Аморим – Мизуки