UFC 324 тарози натижалари. Икки жангчи, хусусан собиқ UFC чемпиони вазн қила олмади, битта жанг бекор қилинди + ФОТОГАЛЕРЕЯ

UFC 324 оқшоми иштирокчилари расмий тарозидан ўтиш ҳамда сўнгги face to face маросимларида ҳозир бўлишди. Турнирнинг асосий жанги енгил вазн тоифасида вақтинчалик UFC чемпионлик камари учун ўтказилади. Унда америкалик Жастин Гэтжи британиялик Пэдди Пимблеттга қарши октагонга чиқади. Турнир хедлайнерлари белгиланган вазн меъёрини бажаришди. Жастин – 70.31 кг (155 фунт), Пэдди – 69.85 кг (154 фунт) тош босди.

Икки тажрибали жангчи - собиқ UFC чемпиони Дейвесон Фигередо ҳамда Алекс Перез эса белгиланган вазн меъёрини бажара олмади. Фигередо россиялик Умар Нурмагомедовга, Перез эса Чарльз Жонсонга қарши октагонга чиқади. Вазн қилинмаган бўлса-да, ҳар икки жанг ўтказилади. Фақат вазн қила олмаганлар рақибларига ўз гонорарларининг 25 фоизини берадилар. 

Кэмерон Смозермен ва Рикки Турсиос ўртасидаги жанг бекор қилинди. Гарчи вазн бажарилган бўлса-да, Смозермен тарозидан тушаётган ҳушини йўқотган ва касалхонага олиб кетилганн. 

UFC 324 тарози натижалари:

Жастин Гэтжи (70.31 кг) – Пэдди Пимблетт (69.85 кг)

Шон О’Мэлли (61.46 кг) – Сонг Ядонг (61.69 кг)

Вальдо Кортес-Акоста (118.84 кг) – Деррик Льюис (119.52 кг)

Роуз Намаюнас (56.93 кг) – Наталия Сильва (57.15 кг)

Арнольд Аллен (66 кг) – Жин Сильва (66.22 кг)

Прелим жанглар

Дейвесон Фигейредо (62.82 кг) – Умар Нурмагомедов (61.69 кг)

Атеба Готье (84.37 кг) – Андрей Пуляев (84.37 кг)

Модестас Букаускас (92.53 кг) – Никита Крилов (93.21 кг)

Чарльз Жонсон (57.15 кг) – Алекс Перез (58.29 кг)

Александр Эрнандес (70.53 кг) – Майкл Жонсон (70.76 кг)

Дензел Фримен (116.8 кг) – Жош Хокит (106.37 кг)

Кэмерон Смозермен (61.46 кг) – Рикки Турсиос (61.69 кг)

Адам Фугитт (77.56 кг) – Тай Миллер (77.11 кг)