UFC 324 турнири бонуслари деярли ярим миллион долларни ташкил этди

Енгил вазн тоифасида вақтинчалик чемпионлик камари учун жанг иштирокчилари Жастин Гэтжи ва Пэдди Пимблетт "Оқшомнинг энг яхши жанги" учун ҳақли равишда ҳар бирлари 100 минг доллардан олишди. "Оқшом намойиши" учун бонуслар эса Тай Миллер ва Жош Хокитга насиб этди, уларнинг ҳар иккиси рақибларини биринчи раунддаёқ мағлуб этишди.

Бундан ташқари, муддатидан олдин ғалаба қозонган Вальдо Кортес-Акоста ва Никита Крилов 25 минг доллардан бонусга эга бўлди. Чарльз Жонсонни биринчи раунддаёқ тўхтатган Алекс Перес эса вазн қила олмагани туфайли мукофот пулисиз қолди.

Қўшимча тўловларнинг умумий миқдори 450 минг долларни ташкил этди. Мусобақа бонуслари икки баравар кўпайтирилгани ва муддатидан олдин ғалаба қозонганлар учун бонуслар жорий этилгани ҳақида бироз аввал хабар берган эдик.