21 янв 18:12
Янгиликлар

Бокс/ММА

UFC 324 турнирининг медиа тадбирлари бошланди (ФОТО)

Теглар : UFC 324

Бизнинг вақт билан 25 январь куни тонг саҳарда АҚШнинг Невада штати Лас-Вегас шаҳрида 2026 йилнинг илк рақамланган турнири — UFC 324 бўлиб ўтади.

Оқшомнинг асосий жанги енгил вазнда вақтинчалик UFC чемпионлик камари учун кечади. Унда америкалик Жастин Гэтжи британиялик Пэдди Пимблеттга қарши октагонга чиқади. Улар мос равишда енгил дивизион рейтингида тўртинчи ва бешинчи ўринларни банд этишган.

Турнирнинг co-main event жанги ўта енгил вазн тоифасида собиқ чемпион Шон О’Мэлли (рейтингда 3-ўрин) ҳамда хитойлик Сун Ядун (рейтингда 5-ўрин) ўртасида ўтказилади. Аслида co-main event жанги аёллар ўртасида UFC чемпиони Кайла Харрисон ҳамда икки вазнда собиқ ташкилот чемпиони Аманда Нуньес ўртасида ўтказилиши керак эди. Аммо Харрисоннинг жароҳати сабаб жанг бекор қилинди ва Шон О`Мэлли иштирокидаги жанг аҳамияти жиҳатидан иккинчи тўқнашувга айланди.

Спортчилар мусобақа олдидан расмий медиа тадбирларда иштирок этишни бошлашди.