UFC 329 турнирининг барча натижалари: Макгрегорнинг беш йилдан кейинги омадсиз қайтиши, 10 та финишли жанг

Дастин Порьега қарши жангда оёғини синдириб олганидан беш йил ўтиб, октагонга қайтган Конор Макгрегор иккинчи дақиқадаёқ яна оёқ жароҳати туфайли Макс Холлоуэйга ютқазди. UFC 329 турнирининг асосий жангининг дастлабки сонияларидаёқ ирландиялик спортчи сакраб туриб, рақибига зарба беришга қарор қилди. Натижада унинг ўнг оёғи лат еди. Макс томонидан берилган иккинчи зарба яна унинг йиқилишига олиб келди ва бу ҳолатда у ҳакамга жароҳат олган рақибини дўппослашни истамаслигини билдирди. 

Шунга қарамай, Марк Белтран жангни давом эттириш учун буйруқ берди, аммо америкалик рақибига тик туришга имкон берганидан ва ирландиялик биринчи уринишдаёқ қоқилиб кетганидан сўнг, ҳакам Холлоуэйнинг ғалабасини техник нокаут билан қайд этиб, жангни тўхтатди.

Оқшомнинг co-main event жангида британиялик енгил вазнли Пэдди Пимблетт Жастин Гэтжидан вақтинчалик чемпионлик унвони учун жангдаги мағлубиятини ишончли тарзда ёпди ва биринчи раунднинг 52-сониясидаёқ франциялик Бенуа Сен-Денини бўғиб қўйди.

Турнирнинг учинчи муҳим мусобақасида америкалик Марио Баутиста етти йил олдинги мағлубиятини енгил вазн тоифасида ўз ҳамюрти Кори Сэндхаген устидан ҳакамларнинг якдил қарори эвазига ғалаба қозониб, реванш олди.

Тадбирнинг дастлабки кардининг асосий жангида ўрта вазн тоифасида собиқ UFC чемпиони, австралиялик Роберт Уиттакер ярим оғир вазн тоифасидаги дебютини муваффақиятли ўтказди ва учинчи раундда жағи синган ва жангни давом эттира олмаган россиялик Никита Криловни муддатидан олдин мағлуб этди.

Бошқа натижаларга тўхталадиган бўлсак, эркин кураш бўйича Олимпия чемпиони Гейбл Стивсоннинг ташкилотдаги муваффақиятли дебюти, биринчи раунднинг ўртасидаёқ Элиша Эллисонни нокаутга учратгани, шунингдек, биринчи раундда техник нокаут билан Адриан Янизга ютқазган собиқ UFC чемпиони Коди Гарбрандтнинг муваффақиятсиз чиқишини таъкидлаш мумкин.

Брендон Ройвал, Бобби Грин, Люк Райли, Дамиан Пинас, Раян Гандра ва Алессандро Коста ҳам бугунги жангларида муддатидан олдин ғалаба қозонишди.

UFC 329 турнирининг барча натижалари:

Асосий кард жанглари

Макс Холлоуэй Конор Макгрегорни техник нокаутга (тизза жароҳати) – 1-раунд, 1:09

Пэдди Пимблетт Бенуа Сен-Денини техник сабмишн эвазига ютди – 1-раунд, 0:52

Марио Баутиста Кори Сэндхагенни ҳакамларнинг якдил қарори эвазига таслим этди (29-28, 29-28, 29-28)

Брэндон Ройвал Лонир Каванани сабмишн (ортдан бўғиш) қилди – 3-раунд, 3:40

Бобби Грин Терренс МакКиннини техник нокаут (зарбалар) эвазига мағлубиятга учратди – 1-раунд, 4:59

Прелим кард жанглари

Роберт Уиттакер Никита Криловни техник нокаут билан ютди – 3-раунд, 1:01

Гейбл Стивсон Элиш Эллисонни нокаут (тизза ва қўлдаги зарбалар) қилди – 1-раунд, 2:31

Эдриан Яниз Коди Гарбрэндтни техник нокаут (зарба) билан мағлуб этди – 1-раунд, 2:47

Люк Райли Кай Камакани техник нокаут (тизза ва қўлда зарбалар) эвазига мағлубиятга учрата олди – 1-раунд, 3:03

Эрта прелим кард жанглари

Ван Конг рақибаси Трэйси Кортезни ҳакамларнинг якдил қарори билан ютди (29-27, 29-27, 29-27)

Дэмиан Пинас Сезар Алмейда нокаут (зарба)га учратди – 1-раунд, 4:44

Фарид Башарат Жон Гарзани очколар ҳисобига кўра таслим этди (29-28, 30-27, 30-27)

Райан Гандра Закари Ризани техник нокаут (зарбалар) эвазига енгди – 1-раунд, 1:15

Алессандро Коста Коди Дерденни сабмишн (ортдан бўғиш) қилди – 2-раунд, 2:19