UFC 333 турнирининг тўлиқ карди: Волкановски – Евлоев, Ян – Двалишвили, Темиров – Кавана

Оқшомнинг асосий жанги ярим енгил вазн тоифасида ўтказилади ва унда австралиялик амалдаги чемпион Александр Волкановски россиялик даъвогар Мовсар Евлоевга қарши октагонга кўтарилади.

Турнирнинг co-main event жанги ҳам чемпионлик мақомида бўлади. Ўта енгил вазн тоифасида UFC чемпиони россиялик Пётр Ян ушбу камарнинг собиқ соҳиби Мераб Двалишвилидан ўз камарини ҳимоя қилади. Бу трилогия жанги бўлиб, ҳисоб ҳозирча 1:1 кўринишида бўлиб турибди. 2023 йилнинг март ойида Двалишвили, 2025 йилнинг декабрида эса Ян реваншда ғалаба қозонган эди.

Биз учун аҳамиятлиси, турнирнинг аҳамияти жиҳатидан учинчи муҳим жангида ҳамюртимиз Рамазон Темиров англиялик Лонэ Каванага қарши октагонга чиқади. Шунингдек, турнир кардидан Александр Волков - Ризван Куниев жанги ҳам ўрин олган бўлиб, россиялик оғир вазнлилар ўртасидаги ушбу тўқнашув кўпчиликда қизиқиш уйғотмоқда. 

Оқшомнинг прелим кардидан Азамат Мурзаканов, Никита Крилов, Абусупьян Магомедов, Абдул-Рахман Яҳёев, Нурулло Алиев, Асаф Чопуров, Абубакар Вагаев иштирокидаги жанглар жой олган. 

UFC 333 турнирининг тўлиқ карди:

Ярим енгил вазн: Александр Волкановски (чемпион) – Мовсар Евлоев (№ 1)

Ўта енгил вазн: Пётр Ян (чемпион) – Мераб Двалишвили (№ 1)

Энг енгил вазн: Лонэ Кавана (№ 6) – Рамазан Темиров (№ 10)

Оғир вазн: Александр Волков (№ 2) – Ризван Куниев (№ 7)

Ярим енгил вазн: Аарон Пико (№ 11) – Лосен Кейта

Ярим оғир вазн: Азамат Мурзаканов (№ 7) – Доминик Рейес (№ 8)

Ярим оғир вазн: Никита Крилов (№ 15) – Абдул-Рахман Яҳёев

Ўрта вазн: Абусупьян Магомедов (№ 12) – Кэмерон Роустон

Енгил вазн тоифаси: Грант Доусон – Нурулло Алиев

Ўта енгил вазн: Колби Тикнесс – Асаф Чопуров

Ўрта вазн: Абубакар Вагаев – Жейкоб Малкун

Ярим енгил вазн: Болажи Оки – Даниэль Сантос

Енгил вазн: Коди Стил – Ноа Гюньон

Аёллар минимал вазн: Ясмин Лусиндо – Николь Кальяри

Турнир 24 октябрь куни бизнинг вақт билан соат 17:00 да бошланади. Асосий кард жангларининг старти 22:00 га мўлжалланган.