UFC афсонавий жангчисига ҳурмат кўрсатмади. Оверим олтита жангининг тўрттасида ғалаба қозонганига қарамаcдан UFC'дан четлатилди

Россиялик Александир Волков 7 февраль куни UFC афсонаси, оғир вазн тоифасида чемпионлик камарига собиқ даъвогар Алистар Оверимни нокаут қилиб, катта ғалабага эришдгани. Бир ойдан кейин эса Оверим лигадан четлатилди. Бу хабар ММА мухлисларини хайрон қолдирди, чунки бу мағлубиятига қарамасдан у ҳали ҳамон кучли ва зўрларга қарши жанг қилиши мумкин эди.

Оверим UFC'даги оғир вазн тоифасидагилар ўртасида нафақат фахрий, балки энг ёрқин курашчилардан бири эди. Унинг ҳисобида 47 та ғалаба, 19 мағлубият ва битта ҳисобга олинмаган жанг бор. Фаолиятидаги 25 та жангини муддатидан аввал якунлаган, 17 марта кечанинг энг яхши жангчиси бўлган. Брок Леснар, Марк Хант ва бошқа машҳур жангчиларни қўллаб-қувватлайдиганлар каби Оверимнинг мухлислари ҳам уни октагонга қайтишга муносиблигига ишонишади.

Волковнинг ўзи ҳам жангдан сўнг Алистарни четлатишга ҳали вақтли эканлигини таъкидлаган: “ У баҳсни турли ҳаракатлар билан, қирқинчи йилларга хос интеллектда, ақлли жанг олиб бориб ўзининг усулидан фойдаланди. Бу эса рақибларни октагонда қийин аҳволга солиб қўяди, чунки улар уни бошқача кўришга одатланиб қолишган, лекин бу Алистарга кучини тежаш ва максимал даражада ундан фойдаланиш имконини беради. У бор эътиборини жангларга қаратяпти ҳамда имкон қадар тўғри жанг усулини тузяпти”.

Алистар 6 жангдан иккитасини бой берди, лекин афсона билан хайрлашишга бу сабаб бўла оладими?

Оверимнинг четлатилишига ягона сабаб - пул. Фахрий жангчига яна бир бор имконият бериб, нега кам гонарар оладиган ўртача жангчилардан воз кечиш мумкинмас?

2020 йил декабрда Дана Уайт яқин орада UFC кўплаб жангчилар билан хайрлашиши ҳақида айтиб ўтган эди. Ўша пайтда ўрта вазннинг бешинчи рақамли жангчиси Йоэль Ромеро ҳам четлатилганди. Лиганинг сўнгги қарори Алистар Оверим билан хайрлашиш Ромеро четлатилганидан ҳам ғалатироқ бўлди. Ҳозирги вақтда оғир вазн тоифасида янги юлдузлар деярли йўқ, ташкилот бу қароридан тез орада афсусланади.

Оверим ўзининг “Инстаграм“ саҳифасида “Охирги жангим ҳам якунланди. UFC'даги ўн йиллик фаолиятим ажойиб ҳаётий тажриба бўлди. UFC'га, мухлисларимга ва мени қўллаб-қувватлаганларга раҳмат. Фаолиятимни бундан яхшироқ бўлиши қўлимдан келмас эди. Бунга имконият яратган Дана Уайт ва Лоренсо Фертитга ўз миннатдорчилигимни билдираман”, - деб ёзиб қолдирган у.

Championat.com сайти асосида Озода Қаюмова тайёрлади