12 сен 12:24
Янгиликлар

Бокс/ММА

UFC Брэндон Ройвалнинг навбатдаги рақиби ва жанг санасини эълон қилди. У Рамазон Темиров билан бир оқшомда жанг қилади

12 октябрь куни Невада штати Лас-Вегас (АҚШ) шаҳрида UFC Vegas 98 турнири бўлиб ўтади.

Оқшомнинг марказий жанги эълон қилинди.

Унга кўра, ўта енгил вазн тоифасида UFC рейтингида 1-ўринни эгаллаб турган америкалик Брэндон Ройвал турнир доирасида октагонга кўтарилади. Унга ўша куни рейтингда 5-поғонадан жой олган япониялик Татсуро Таира рақиб бўлади. Жанг турнирнинг марказий тўқнашуви мақомида ўтказилади.

32 ёшли Ройвал ҳозирга қадар проф фаолияти давомида 23 та жанг ўтказиб, 16 ғалаба ва 7 мағлубият қайд этган. Унинг бўлажак рақиби Татсуро Таира ҳисобида эса 16 та ғалаба бор.

Аввалроқ, ушбу турнирда аралаш яккакураш устамиз Рамазон Темиров америкалик Си Жей Варгара билан жанг қилиши ҳақида хабар берган эдик.