UFC чемпиони Шон О'Мэлли кейинги рақиби ким бўлишини эълон қилди

"Кейинги рақибим Мераб Двалишвили бўлади. Бизнинг истакларимиз инобатга олинди. Кўпчилик мен ундан қочаётганимни айтди. Лекин мен бу кичик одамчадан қочмадим. Мен учун яхши жанг, ғалаба қозониш учун бир қанча йўллар бор. Жангни интизорлик билан кутаман", - деди Шон ўзининг YouTube каналидаги эфирда.

Эслатиб ўтамиз, О'Мэлли ўтган йили ҳамюрти Алжемейн Стерлингни мағлуб этиб, чемпионлик камарига эга чиққан эди. Шундан сўнг у илк ҳимоя жангида эквадорлик Марлон Верани таслим этди.