02 авг 12:07
Янгиликлар

Бокс/ММА

UFC чемпиони Валентина Шевченконинг рақибаси маълум

Енгил вазнда UFC чемпиони Валентина Шевченконинг навбатдаги рақибасига ойдинлик киритилди.

Бугун Лас-Вегасда ўтказилган UFC Fight Night 173 турнирида ёрқин ғалабага эришган Женнифер Майя катта эҳтимол билан қирғизистонлик чемпионга қарши октагонга кўтарилади. Бу Шевченконинг ўзи ҳам тасдиқлади.

"Тез орада кўришамиз, Женнифер Майя", — дея Твиттер саҳифасида хабар қолдирган Шевченко.

Бугунги турнирдан кейин ўтказилган матбуот анжуманида шахсан UFC президенти Дэна Уайт ҳам ушбу жангни имкон қадар тезроқ ташкил қилиш ҳақида гапирган. Бугун Женнифер Майа биринчи раунд якунланишига ярим дақиқа қолган бир пайтда Жоанн Кальдервудни мағлубиятга учратганди. Рейтингнинг 3-поғонасидан жой олган рақибасини таслим этган Майя 50 минг доллар бонусга ҳам эга бўлди.