18 июн 17:38
Янгиликлар

Бокс/ММА

UFC чемпионлик жангини расман эълон қилди + ПОСТЕР

Аввал хабар берганимиздек, 18 август куни Австралиянинг Перт шаҳрида UFC 305 турнири бўлиб ўтади.

Лига мазкур мусобақанинг марказий жангини расман эълон қилди.

Унда ўрта вазн тоифасида UFC чемпиони бўлиб турган Жанубий Африка Республикаси вакили Дрикюс Дю Плесси собиқ чемпион, нигериялик Исраэль Адесанья билан тўқнаш келади. Жанг 5 раунд этиб белгиланган.

Маълумот учун, Дрикюс Дю Плесси фаолияти давомида 23 та жанг ўтказиб, 21 ғалаба ва 2 мағлубият қайд этган. У охирги жангида америкалик Шон Стриклендни мағлуб этиб, камарга эга чиққан эди.

Исраэль Адесанья эса 27 та жангининг 24 тасида ғалаба қозониб, 3 та мағлубият қабул қилиб олган. Қизиғи, Адесанья ҳам ўзининг сўнгги жангини Стриклендга қарши ўтказган. 2023 йил 10 сентябрь куни бўлиб ўтган жангда Шон очколар ҳисобига кўра ғалаба қозонган эди.