03 сен 07:58
Янгиликлар

Бокс/ММА

UFC Дэн Хукерга фаолиятидаги энг катта гонорарни тўлайди

Нурсултон Рўзибоев октагонга чиқадиган Париж турнирининг асосий жанги иштирокчиси фаолиятидаги энг катта гонорарни 5 сентябрь кунги чиқиши учун олади.

UFC Fight Night 287 турнирида лигада дебют қилаётган Саладин Парнасс билан жанг қилишга рози бўлган ташкилотнинг навбатдаги француз турнири хедлайнери Ден Ҳукер ўз фаолиятидаги энг катта гонорарни қўлга киритади.

"Бу менга маъқул. Агар янги келганлар билан жанг қилиш учун шунча пул тўлашса, мен умримнинг охиригача улар билан жанг қилишга тайёрман. Менга тўланаётган бу пул эвазига ҳатто Фрэнсис Нганну билан ҳам жанг қилган бўлардим, улар эса менга ўзим билан бир хил вазнда бўладиган рақибни беришмоқда? Бу шубҳасиз, фаолиятимдаги энг катта гонорар", — деди янги зеландиялик енгил вазнли жангчи RMC Sport нашрига берган интервьюсида.

Аввалроқ Дэн Хукер UFC`да фаолиятини давом эттириши кутилаётган PFL чемпиони, мағлубият нималигини билмай келаётган Усман Нурмагомедовни октагонда кутиб олишга тайёрлигини маълум қилган эди.