17 май 09:11
Янгиликлар

Бокс/ММА

UFC Fight Night 172 бироз кутилмаган натижа билан бошланди

Айни дақиқаларда АҚШнинг Флорида штати Жексонвилл шаҳрида UFC Fight Night 172 турнири бўлиб ўтмоқда.

Қизиқарли жангларнинг бири ярим енгил вазн тоифасида Эдсон Барбоза ҳамда Дэн Иге ўртасида ўтказилди. Жанг тўлиқ уч раунд давом этди ва якунда ҳакамларнинг қарори билан ғолиб аниқланди.

Ҳакамларнинг икки нафари Иге, учинчи эса Барбозанинг ғалабасини таъминлашди. Бу Эдсон учун кетма-кет қабул қилинган учинчи мағлубият бўлди. Унинг ҳисобида 20 ғалаба ва 9 та мағлубият бор. Иге эса 14-ғалабасини тантана қилди. Фаолиятида икки бор мағлубиятга учраган.