17 май 11:02
Янгиликлар

Бокс/ММА

UFC Fight Night 172. Оверим иштирокидаги марказий жанг якунланди

АҚШнинг Флорида штати Жексонвилл шаҳрида бир ҳафта ичида учинчи бор ташкил этилган UFC турнири ўз ниҳоясига етди.

UFC Fight Night 172 турнирининг марказий жанги оғир вазн тоифасида ўтказилди. Унда нидерландиялик Алистар Оверим ҳамда америкалик Уолт Харрис ўзаро тўқнаш келишди. Жанг олдидан ҳар икки спортчи яна бир бор тарозига чиқишди. Унда Харрис 119,9 кг, Оверим эса 114,9 кг тош босди.

Оқшомнинг марказий жанги иккинчи раундда якунланди. Анча тажрибали ҳисобланган Алистар Оверим рақибини техник нокаут эвазига мағлубиятга учратди. Бу Оверимнинг фаолиятидаги 46-ғалабаси бўлди. Ҳисобида 18 та мағлубият ҳам бор. Харрис эса бугун 8-мағлубиятини қарши олди. Ўн учта жангда ғалаба қозонган.