UFC Fight Night 205. Марказий жанг биринчи раундда тўхтатилди + ФОТОГАЛЕРЕЯ

"ЮЭфСи Апекс" стадиони мезбонлик қилган UFC Fight Night 205 (Vegas 52) турнирининг марказий жанги аёллар яримўрта вазн тоифасида ўтказилди. Унда икки бразилиялик жангчилар - 34 ёшли Аманда Лемос ҳамда 30 ёшли Жессика Андраде бир-бирларига қарши октагонга кўтарилишди. 

Жанг муддатидан аввал якунланди. Андраде биринчи раунднинг ўзида рақибасини техник нокаут эвазига мағлубиятга учратди. Бу Андраденинг фаолиятидаги 23-ғалабаси бўлди. Унинг ҳисобида 9 мағлубият ҳам бор. Айни пайтда рейтингида 2-ўринни эгаллаб турибди. Андраде вазн чемпиони Валентина Шевченкога ютқазганидан сўнг, ўтган йилнинг сентябрь ойида Синтия Кальвильони биринчи раундда нокаутга учратган эди. 

Аманда Лемос эса бугун фаолиятидаги иккинчи мағлубиятини қабул қилиб олди. Рейтингда 9-поғонани банд этган. Бу вазнга ўтгунига қадар бешта жангда кетма-кет рақибаларини нокаутга учратиб келаётганди.