UFC Fight Night 225. Гига Чикадзе бир йиллик танаффусдан сўнг ғалаба билан қайтди

Асосий карддан ўрин олган навбатдаги жангда ярим енгил вазн тоифасида грузиялик аралаш яккакураш устаси Гига Чикадзе (13-5-0) бразилиялик Алекс Касерес (21-14-0) билан тўқнаш келди. 3 раундга мўлжалланган мазкур жанг тўлиқ давом этди ва унда ҳакамларнинг якдил қарори билан 30:27, 30:27, 30:27 ҳисобида Чикадзе ғалаба қозонди.

Қайд этиш жоиз, Чикадзе сўнгги жангини ўтган йилнинг январь ойида Келвин Каттарга қарши ўтказиб, мағлуб бўлган эди. Унинг рақиби Алекс Касерес эса икки ой олдин Даниель Пинедадан устун келган эди.