UFC Fight Night 233. Барча тарози натижалари битта саҳифада. Битта жанг карддан "ечилди"

Анъанага кўра, оқшом иштирокчилари тарозидан ўтиш ҳамда сўнгги face to face маросимларида иштирок этишди. UFC Fight Night 233 турнирининг асосий жанги енгил вазн тоифасида Бенеил Дариуш (22-5-1) ҳамда Арман Царукян (20-3) ўртасида ўтказилади. Ҳар икки жангчи белгиланган вазн меъёрини бажарди. Бенеил 70,76 кг, Арман эса 70,53 кг тош босди. 

Турнирнинг сo main-event жанги ҳам енгил вазн тоифасида ташкил этилади. Унда Бобби Грин (31-14-1) ҳамда Жалин Тёрнер (18-8) ўзаро октагонда тўқнаш келишади. Аслида Қирол Янги Зеландия вакили Дэн Хукерга қарши жанг ўтказиши керак эди. Аммо Хукер жароҳат олгани сабабли жангдан "ечилди". 

Остиндаги турнирнинг яна бир қизиқарли жанги собиқ UFC чемпиони Дейвисон Фигейреду ҳамда Роб Фонт ўртасида кечади. Ҳар иккала жангчи ҳам тарозида бир хил вазн кўрсатишди - 61,23 кг. Яна бир собиқ UFC чемпиони Миша Тейт ҳам октагонга қайтмоқда. У Жулия Авилага қарши жанг ўтказади. Ҳар икки октагон маликаси тарозида бир хил вазн қайд этишди - 61,46 кг.

UFC Fight Night 233 турнирининг битта жанги бекор бўлди. Стив Гарсия бетоб бўлиб қолгани боис, унинг Мелкизаэль Костага қарши жанги карддан олинди. Қолган барча жанглар ўз кучида қолди.  

UFC Fight Night 233 турнирининг барча тарози натижалари:

Бенеил Дариуш (70,76 кг) – Арман Царукян (70,53 кг);

Жалин Тёрнер (70.76 кг) – Бобби Грин (70,3 кг);

Роб Фонт (61,23 кг) – Дейвисон Фигейреду (61,23 кг);

Шон Брэди (77,11 кг) – Келвин Гастелум (77,11 кг);

Клэй Гуида (69,85 кг) – Хоаким Силва (70,76 кг);

Пунахеле Сориано (84,14 кг) – Дастин Штольцфус (84,14 кг);

Миша Тейт (61,46 кг) – Жулия Авила (61,46 кг);

Закари Риз (83,91 кг) – Коди Брандейж (83,91 кг);

Драккар Клозе (70,53 кг) – Жо Солецки (70,3 кг);

Родолфо Беллато (93,21 кг) – Игорь Потеря (92,53 кг);

Веллингтон Турман (77,56 кг) – Жаред Гуден (77,56 кг);

Вероника Харди (56,92 кг) – Жейми-Лин Хорт (56,92 кг).