25 фев 13:57
Янгиликлар

Бокс/ММА

UFC Fight Night 237 турнири бонус соҳиблари маълум

Ташкилотчилар UFC Fight Night 237 турнирида бошқалардан ажралиб турган жангчиларнинг исм-шарифини ошкор қилди.

Тўрт нафар жангчи кафолатланган гонорардан ташқари ёрқин жанг ва иштирок учун қўшимча 50 000 АҚШ долларилик чекларни қўлга киритишди. Мексикалик Дэниель Зеллхубера ва аргентиналик Франсиско Прадо ўртасидаги тўқнашув оқшомнинг "Энг яхши жанги" деб топилди. Уларнинг ҳар иккиси 50 минг долларга эга бўлди. Оловли жанг Зеллхуберанинг очколар ҳисобидаги ғалабаси билан якунланди.

Шунингдек, Брайан Ортега ва Мануэль Торрес ёрқин ғалабалари учун бонусга лойиқ кўрилди. Ортега оқшомнинг Co-main event жангида Яир Родригесни "учбурчак" усулида мағлубиятга учратди. Бу унинг 2020 йилнинг 18 октябридан бери қозонган илк ғалабаси эди. Мануэль Торрес эса шотландиялик Крис Данканни бўғиб қўйганди.