UFC Fight Night 241 турнирининг барча натижалари битта хабарда

UFC Fight Night 241 оқшомининг марказий жанги ярименгил вазн тоифасида англиялик Лерон Мёрфи ҳамда бразилиялик Эдсон Барбоза ўртасида ўтказилди.Тўлиқ беш раунд давом этган жанг якунида Мёрфи ҳакамларнинг якдил қарори билан 49-46, 50-45, 50-45 ҳисобларида ғалаба қозонди. 

Турнирнинг сo-main event жангида эса америкалик Калинн Уильямс биринчи раунддаёқ Карлстон Харрисни нокаутга учратди. Биз учун таниш бўлган Абусупьян Магомедов (26-6-1) ушбу турнирда Уорли Алвес (15-8)га қарши октагонга чиқди. Германия шарафини ҳимоя қилаётган Абус уч раунд тўлиқ давом этган жангда ҳакамларнинг якдил (30-26, 30-26, 30-26) қарори билан зафар қучди.

Бошқа жангларнинг натижаларига тўхталадиган бўлсак, Хаос Уильямс (15-3) биринчи раунддаёқ Карлстон Харрис (19-6)ни нокаутга учратди. Темба Горимбо (13-4) очколар ҳисобига кўра Рамиз Брахимай (10-5)ни енгди. Адриан Янез (17-5) биринчи раунддаёқ Винисиус Сальвадор (14-7)дан устун келди. Анжела Хилл (17-13) иккинчи раундда рақибаси Луана Пиньеро (11-3)ни бўғиб қўйди. 

Шунингдек, UFC Fight Night 241 турнирида Ванесса Демопулос Эмили Дюкотни, Том Нолан Виктор Мартинесни, Оумар Су Туко Токкосни, Мелисса Гатто Тамирес Видални, Ариани Карнелосси Пьера Родригесни, Хейли Алатенг Клейдсон Родригесни мағлубиятга учратди.