08 сен 10:41
Янгиликлар

Бокс/ММА

UFC Fight Night 242 турнирининг бонус соҳиблари маълум

Хабар берганимиздек, бугун тонг саҳарда АҚШнинг Невада штати Лас-Вегас шаҳрида навбатдаги UFC турнири бўлиб ўтди.

UFC Fight Night 242 турнири ташкилотчилари бугунги оқшомнинг бонус соҳибларини эълон қилишди. Кафолатланган гонорардан ташқари қўшимча 50 минг долларлик чекни тўрт нафар жангчи қўлга киритди.

Бугунги турнирнинг энг яхши жанги сифатида Жессика Андраде ва Наталья Силва ўртасидаги тўқнашув эътироф этилди. Бразилиялик хонимлар жанги тўлиқ уч раунд давом этиб, якунда Силва ҳакамларнинг якдил қарори билан ғалаба қозонди. Шунингдек, Коди Дарден ва Стив Гарсия ҳам ёрқин жанг учун бонусга эга чиқишди.

Коди Дарден иккинчи раунднинг 19-сониясида Мэтт Шнеллни бўғиш усули билан енгди. Стив Гарсия эса иккинчи раундда Кайл Нельсонни техник нокаутга учратди.