UFC Fight Night 242 турнирининг марказий жанги тўлиқ давом этди + ФОТО

UFC Fight Night 242 оқшомининг марказий жанги яримўрта вазн тоифасида ўтказилиб, унда бразилиялик Гилберт Бёрнс америкалик Шон Брэдига қарши октагонга чиқди. Беш раунд тўлиқ давом этган жангда Шон Брэди ҳакамларнинг якдил қарори билан очколар ҳисобига кўра ғалаба қозонди — 50-45, 49-46, 50-45.

Ҳакамлардан фақат бир нафари Гилберт Бёрнсга раундлардан бирини ғалаба сифатида берган. Қолган барча ҳакамлар ҳамма раундларда устунликни Шонга тақдим этишган. Бу Брэди учун кетма-кет қўлга киритилган иккинчи ғалаба бўлди. Унинг фаолиятидаги ғалабалари сони 17 тага етди. Ҳисобида битта мағлубияти ҳам бор. Бёрнс эса бугун кетма-кет учинчи мағлубиятини қабул қилиб олди. Ҳисобида 22 ғалаба ва 8 та мағлубият бор.