16 фев 07:48
Янгиликлар

Бокс/ММА

UFC Fight Night 251 турнирининг марказий жангида нокаут қайд этилди

Бироз аввал АҚШнинг Лас-Вегас шаҳрида навбатдаги UFC турнири якунига етди.

UFC Fight Night 251 оқшомининг марказий жанги ўрта вазн тоифасида ўтказилиб, унда америкалик тажрибали Жаред Каннонье бразилиялик Грегори Родригесга қарши октагонга кўтарилди. Беш раундга мўлжалланган жанг муддатидан аввал якунига етди. Тўртинчи раундда Каннонье рақибини нокаутга учрата олди.

Қизиғи шундаки, Жаред биринчи раундда икки бор нокдаун ҳолатига тушиб қолганди. Каннонье бугунги ғалабаси билан сўнгги жангидаги мағлубиятини ёпди. Родригес эса аксинча, учта ғалабали сериясидан кейин ютқазди. Жареднинг ғалабалари 18 тага етди, ҳисобида 8 та мағлубият ҳам бор. Родригеснинг рекорди — 16 ғалаба, 6 мағлубият.