UFC Fight Night 281 турнирининг бонус соҳиблари аниқланди

Оқшомнинг асосий жанги Дрикус Дю Плесси ва Камару Усман ўртасидаги баҳс бугунги турнирнинг энг яхши жанги деб топилди. Ҳар икки жангчи кафолатланган гонорардан ташқари қўшимча 100 минг долларлик бонусни қўлга киритди. Ушбу жангда Дрикус ҳакамларнинг якдил қарори билан 50-45, 49-46, 49-46 ҳисобида ғалаба қозонган эди. 

Ёрқин жанг учун бонуслар америкалик ярим енгил вазн тоифаси вакили Томми МакМиллен ҳамда бразилиялик яримоғир вазн жангчиси Фелипе Франкога насиб этди. Улар мос равишда венесуэлалик Альберто Монтес ва бразилиялик Леви Родригесни муддатидан аввал мағлубиятга учратди.

Шунингдек, бугунги турнирда рақибларини муддатидан аввал таслим этган америкалик Ричард Харрис ва бразилиялик Диони Барбоса 25 000 долларлик бонус чекларига эга чиқди. Америкалик Чейз Хупер гарчи техник нокаутли ғалабани қўлга киритган бўлса-да, бир кун аввал вазн меъёрини бажара олмагани учун бонусдан қуруқ қолди.