18 окт 17:52
Янгиликлар

Бокс/ММА

UFC Fight Night 291 турнири нокаутлар бўйича Лига рекордини такрорлади

Бугун, 18 октябрь куни Канаданинг Эдмонтон шаҳрида бўлиб ўтган UFC Fight Night 291 турнири бир кечада қайд этилган нокаутлар сони бўйича лиганинг рекордини такрорлади.

Карддан ўрин олган жами 13 та жангинг 12 таси нокаут билан якунланди. Бундай статистикага эга бўлган илк турнир август ойида Белград (Сербия) шаҳрида ўтказилган UFC Fight Night 283 оқшомида бўлган эди.

Эслатиб ўтамиз, UFC Fight Night 291 турнирининг асосий жангида ярим ўрта вазн тоифасидаги (77 кг гача) канадалик жангчи Майк Мэлотт америкалик Хоакин Баклини иккинчи раундда нокаутга учратди.

Карднинг иккинчи муҳим жангида аёллар ўртасида ўта енгил вазн тоифасидаги (57 кг гача) канадалик Жасмин Ясудавичюс ҳакамларнинг якдил қарори билан америкалик Эрин Бланфилдни мағлуб этди.