UFC Fight Night турнирининг бонус соҳиблари маълум

Мусобақа ташкилотчилари бугунги оқшомда бошқалардан ажралиб турган, яъни бонусга лойиқ жангчиларни эълон қилди. Тўрт нафар жангчи кафолатланган гонорардан ташқари қўшимча 50 000 доллар миқдоридаги мукофот пулига эга бўлишади. 

Оқшомнинг марказий баҳси иштирокчилари Стивен Томпсон ва Кевин Холланд ўртасидаги тўқнашув турнирнинг энг яхши жанги деб топилди. Тўртинчи ва бешинчи раундлар оралиғида тўхтатилган жангда Томпсон ғалаба қозонганди. Кевиннинг мураббийлари бешинчи раунд старт олдидан жангни давом эттирмасликка қарор қилишганди. 

Супероғир вазн тоифаси вакили Сергей Павлович ёрқин жанг учун 50 минг долларга эга бўлди. Россиялик аралаш яккакураш устаси бугун рейтингнинг тўртинчи поғонасида бораётган австралиялик Таи Туивасани биринчи раунднинг ўзидаёқ техник нокаутга учратган эди.  

Шунингдек, грузиялик Роман Долидзе ҳам бонусга лойиқ кўрилди. У бугун Жек Херманссонни техник нокаутга учратди.