UFC Fight Night турнирининг марказий жанги маълум + Жуфтликлар

Унга кўра, 19 март куни Буюк Британиянинг Лондон шаҳридаги «О2- Арена» стадионида UFC Fight Night турнири бўлиб ўтади. Оқшомнинг марказий жангида оғир вазн тоифаси вакиллари - россиялик 33 ёшли Александр Волков (34-9 ММА, 8-3 UFC) ҳамда Том Аспинал (11-2 ММА, 4-0 UFC) ўзаро октагонда тўқнаш келишади. 

Бу маълумотни шахсан UFC президенти Дана Уайт ҳам тасдиқлади. Волков охирги жангини UFC 267 турнири доирасида польшалик Мартин Тибурага қарши ўтказиб, рақибидан очколар ҳисобига кўра устун келганди: 30-27, 30-27, 29-28.

Манчестер шаҳрида дунёга келган Аспиналл илк бор ўз ватандошлари кўз ўнгида жанг ўтказади. У UFC билан шартнома имзолагунга қадар 9 та жангини айнан Англияда ўтказган эди. Охирги жангини 2020 йилнинг июлида Жейк Кольерга қарши ўтказиб, рақибини биринчи раундда нокаутга учратганди.

Лондондаги UFC турнири карди:

Александр Волков – Том Аспиналл;

Жейк Хэдли – Аллан Насименто;

Луана Каролина – Молли Маккэнн;

Коди Дёрден – Муҳаммад Мокаев;

Макван Амирхани – Майк Гранди;

Жек Шор – Тимур Валиев;

Шамил Абдурахимов – Сергей Павлович.