03 июн 17:03
Янгиликлар
Бокс/ММА
UFC жангчиси АҚШдаги талончиларни "бузиб" ташламоқчи
Хабарингиз бор, айни пайтда АҚШнинг турли шаҳарларида афроамерикалик Жорж Флойднинг полиция томонидан шавқатсизларча ўлдирилиши ортидан намойишлар бўлмоқда.
Афсуски, бу намойишлар, қўзғолонлар натижасида дўконлар, савдо шаҳобчалари, автомобиллар вайрон қилинмоқда, ёқилмоқда. Талончилар ярим ўрта вазнда UFC жангчиси Билол Муҳаммаднинг отаси савдо қилаётган кичик дўконни ҳам ёқиб юборишган.
Табиийки, Билол бундан дарғазаб бўлиб, талончиларга Твиттер саҳифаси орқали мурожаат қилди ва воқейликка кескин муносабат билдирди.
"Отамнинг дўкони абгор қилинганини ҳазм қила олмаяпман. Кичик бизнес, шу дўкон орқали рўзғор тебратиб турилганди. Ваъда бераманки, талончилар қўлимга тушса, шунчаки "бузиб" ташлайман. Бунинг оқибатида улар касалхонага равона бўлади", — дея хабар қолдирган Муҳаммад.
Ҳавола :
Фикрлар