UFC жангчиси: Фергюсонга қарши реванш хоҳлаяман

"Мен ўзимни яхши ҳис қиляпман ва октагонга қайтишга тайёрман. Тонига қарши реванш ташкиллаштирилишини истайман. Бу жанг иккимизни ҳам асл жойимизга қайтаради. Фергюсоннинг 36 ёшга киргани у учун ҳаммаси тугади деганимас. Унда ҳали кўп имкониятлар бўлади деб ўйлайман. 

Конор-Порье? Бу Конор учун ҳам йўқотиш, ҳам имконият. Чунки ҳамма унинг енгилганидан кейинги ҳолатига қизиқади. Шунинг сабабли навбатдаги жангларида мухлислар Конорнинг қай тарзда мағлуб бўлишига қизиқишади. Конорнинг енгилиши унга қарши октагонга кўтарилишимга имконият. Менга Тонини, унга эса Нейтни беринг, йил охирида Макгрегорга қарши жанг қилмоқчиман. Порьега қарши учинчи жанг Конорнинг аҳмоқона қарори. 

Ҳозир Фирас Захаби билан машғулотлар олиб боряпман, у карьерам сўнгигача менинг мураббийим бўлиб қолишини истайман. Чендлер? У ўз вақтида, ўз жойида керакли рақибга қарши жанг қила олди. Хукер унга қарши мос рақиб бўлди, аммо Чендлер бироз пассивроқ жанг қилди. Хабиб? Унга фаолиятини тугатишга имкон беринг. У спортни соғинса октагонга қайтиши мумкин", - деб айтди Ли. 

Эслатиб ўтамиз, Ли-Фергюсон жанги 2017 йил октябрда бўлиб ўтган. Ўшанда Фергюсон ғалаба қозониб UFCнинг вақтинчалик чемпионлик камарига эга чиққанди.