UFC жангчиси одам ўғирлаш ва кўплаб ҳужумларда айбланиб, қамоққа олинди

Феникс полицияси ходимларининг MMA Fighting нашрига маълум қилишича, Кенни 16 август куни соат 12:00 да детективлар томонидан ҳибсга олинган. У одам ўғирлаш, оғирлаштирилган ҳужум (бўғиш) ва тажовузда айбланган.

"Марикопа округи судининг маълумотларига кўра, Кеннига жами олтита айблов қўйилган — одам ўғирлаш учун иккинчи даражали жиноят ва ҳужум қилиш/бўғиш учун тўртинчи даражали жиноят ва тўртта жиноят содир этганлик учун. Энг оғир айб 2-даражадаги жиноят бўлиб, у камида тўрт йил ва айбдор деб топилса, 12,5 йилгача қамоқ жазосини ўз ичига олади", дея хабар беради ММА Fighting.

Кенни ўзининг сўнгги жангини 2021 йилда UFC 265 турнири доирасида хитойлик Сонг Ядонгга қарши ўтказиб, очколар ҳисобига кўра мағлуб бўлган.