17 май 16:36
Янгиликлар
Бокс/ММА
UFC Жон Жонс - Фрэнсис Нганну жангини ташкил қилмоқчи
UFC президенти Дэна Уайт яна бир қизиқарли чемпионлик жангини ташкил этиш бўйича ҳаракатларни бошлаб юборди.
Гап ташкилотнинг ярим оғир вазн тоифасида жаҳон чемпиони Жон Жонс ҳамда ушбу оғир вазнда чемпионлик камарига собиқ даъвогар Фрэнсис Нганну ҳақида бормоқда. Ҳар икки спортчи ҳам ушбу жанг ўтказилишини исташяпти.
"Ҳамма нарсанинг имкони бор. Лекин юз фоиз амин эмасманки, бу жангни иккала спортчи ҳам бирдек хоҳлаяпти. Ҳозир фақат интернет орқали музокара ўтказяпмиз. Юзма-юз гаплашилганда воқеалар ривожи бошқача бўлиши аниқ", — деди Уайт бугун ўтказилган UFC Fight Night 172 турниридан кейинги матбуот анжуманида.
Эслатиб ўтамиз, бир муддат аввал Жон Жонс ўзининг Твиттер саҳифасида Фрэнсис Нганну билан жанг ўтказишга тайёр эканлигини маълум қилган эди. Асли келиб чиқиши камерунлик бўлган француз Нганну ҳам бу ғояни қўллаб-қувватлаганди.
Ҳавола :
Фикрлар