04 июн 08:25
Янгиликлар

Бокс/ММА

UFC Конор иштирокидаги матбуот анжуманини бошқа муддатга кўчирди

Дунёнинг энг кучли Лигаси UFC 303 турнирига бағишланган матбуот анжумани муддатини ўзгартирди.

Кеча Ирландия пойтахти Дублин шаҳрида Конор Макгрегор иштирокида матбуот анжумани бўлиб ўтиши керак эди. Ушбу рақамланган турнирнинг марказий жангида икки вазн тоифасида собиқ UFC чемпиони Конор Макгрегор собиқ Bellator чемпиони, америкалик Майкл Чендлерга қарши октагонга кўтарилади.

"Қадрли UFC мухлислари! UFC 303 турнирига бағишланган матбуот анжуманимиз кечроқ муддатга қолдирилди. Ноқулайлик учун узр сўраймиз. Янги сана бўйича аниқ тўхтамга келишимиз ҳамон бу ҳақда хабар берамиз. Раҳмат!", — деди UFC раҳбари Дана Уайт.

Матбуот анжуманининг нима сабабдан бошқа муддатга кўчирилгани ҳақида маълумот тақдим этилмаган.