13 апр 11:55
Янгиликлар

Бокс/ММА

UFC ниҳоят жангчилар учун узоқ кутилган янгиликни эълон қилди + ФОТО

Эндиликда UFC жангчилари янгиланган қўлқопларда жанг қилишади.

Ташкилот янги қўлқопларни UFC 300 турнири матбуот анжумани пайтида эълон қилди.

Эндиликда оддий статусдаги жангчилар қора рангли, чемпионлар эса тилла ранг қўлқопларда октагонга киради. Бундан ташқари, TUF, DWCS Road to UFC турнирлари иштирокчилари ҳам турли рангдаги қўлқопларда жанг қиладиган бўлди.

Таъкидлаш жоиз, мазкур қўлқоплардаги энг катта янгилик - бу бармоқ қисмида қўлқопнинг кенгайгани бўлди. Бу жангчиларга рақибларининг кўзига зарар етказмаслиги учун ёрдам беради.

Спортчилар UFC 302 турниридан бошлаб, ушбу қўлқоплардан фойдалана бошлайди. Аввалроқ, россиялик Алиасхаб Хизриев ҳамюртимиз Маҳмуд Мурадов билан жангда бармоқлари билан рақибининг кўзига зарба берган эди.