UFC on ESPN 15. Бонус соҳиблари маълум

Турнир якунланганидан сўнг ташкилотчилар бугунги жангларда ёрқин чиқиш қилганларни аниқлашди, яна ҳам аниқроғи, бонус соҳибларини эълон қилишди. Оқшомнинг "Энг яхши жанги" сифатида Фрэнки Эдгар - Педро Муньос тўқнашуви эътироф этилди. Беш раунд тўлиқ - 25 дақиқа давом этган турнирнинг марказий жангида Эдгар очколар 48-47, 46-49, 48-47 ҳисобларида ғалаба қозонганди. Ҳар икки жангчига бонус сифатида 50 минг доллардан тақдим этилди.

Кафолатланган гонорардан ташқари қўшимча бонус яна икки жангчига ҳам берилди. Қозоғистонлик Мария Агаповани шов-шувли тарзда нокаутга учратган америкалик Шана Добсон ҳамда россиялик Тимур Валиевни техник нокаут билан мағлубиятга учратган гуамлик Тревин Жонс ўз ҳамёнларини қўшимча 50 минг доллар билан бойитиб олишди.