02 май 11:23
Янгиликлар

Бокс/ММА

UFC on ESPN 23. Даҳшатли нокаут соҳиби 100 000 доллар бонусга эга бўлди

Хабар берганимиздек, бугун тонгда АҚШнинг Невада штати Лас-Вегас шаҳрида навбатдаги UFC турнири бўлиб ўтди.

UFC on ESPN 23 турнири ташкилотчилари кафолатланган гонорардан ташқари қўшимча бонусга эга чиққан оқшом қаҳрамонларини эълон қилишди. Марказий жангда шов-шувли тарзда Доминик Рейесни нокаутга учратган Иржи Прохаска иккита бонус соҳиби сифатида 100 000 долларни қўлга киритди: "оқшомнинг энг яхши жанги" ва "Оқшомдаги иштирок".

Гига Чикадзе ва Доминик Рейесга эса бонус сифатида 50 000 доллардан тегди. Иржи Rizin промоушенининг собиқ чемпиони бўлиб, UFC лигасида иккинчи жангини ўтказди. У бугун тирсагида берган кучли зарбаси эвазига ярим оғир вазн тоифасининг номдор жангчиларидан бирини чуқур нокаутга учратди ва яхшигина шов-шувга сабабчи бўлди.