20 июн 13:07
Янгиликлар

Бокс/ММА

UFC on ESPN 25 турнирининг бонус соҳиблари маълум

UFC матбуот хизмати томонидан бугун АҚШнинг Лас-Вегас шаҳрида ўтказилган UFC on ESPN 25 турнирининг бонус соҳиблари эълон қилинди.

Унга кўра, ўз жанглари билан мухлислар ва ташкилотчиларда яхши таассурот қолдирган Марлон Вера, Дэйви Грант, Мэтт Браун ва "Кореялик Зомби" номи билан машҳур Сен Ву Чой кафолатланган гонорарига қўшимча равишда 50 000 доллардан бонус пуллари оладиган бўлишди.

Марлон Вера ва Дэйви Грант "Оқшомнинг энг яхши жанги" номинацияси учун бонусга эга чиққан бўлсалар, Мэтт Браун ҳамда Сен Ву Чой чиройли жангдаги ғалабалари учун мукофотланадилар. Бу ҳақидаги пост UFC`нинг расмий Твиттер саҳифасида ҳам қолдирилди.