UFC on ESPN 56 турнирининг бонус соҳиблари маълум

Турнир ташкилотчилари оқшомда бошқалардан ажралиб турган жангчилар учун мўлжалланган бонус соҳибларини эълон қилишди. Энг яхши жанг сифатида Билли Гофф ва Трей Уотерс ўртасидаги тўқнашув тан олинди. Уч раунд тўлиқ давом этган ушбу жангда Уотерс ҳакамларнинг якдил (30-27, 30-27, 29-28) қарори билан ғалаба қозонганди. Ҳар икки жангчи ҳам 50 минг долларлик чекни қўлга киритишди. 

Шунингдек, ёрқин жанглари учун Диего Феррейра ва Карлос Ульберг ҳам кафолатланган гонорардан ташқари қўшимча 50 минг долларлик мукофот пулини ҳам қўлга киритди. Диего учинчи раундда Матеуш Ребецкини техник нокаутга учратган бўлса, Карлос биринчи раунднинг 12-сониясидаёқ Алонзо Менифилдни нокаут эвазига енгди.