UFC on ESPN 57 турнирининг марказий жангида нокаут қайд этилди

UFC on ESPN 57 турнирининг марказий жанги ўрта вазн тоифасида ташкил этилди. Унда UFC камари учун собиқ даъвогар, америкалик Жаред Каннонье асли келиб чиқиши доғистонлик бўлган, ҳозирда Франция шарафини ҳимоя қилаётган Нассурдин Имавовга қарши октагонга чиқди.

Беш раундлик жанг тўртинчи раундда якунланди. Имавов тажрибали рақибини нокаутга учратди. Каннонье профессионал фаолиятидаги еттинчи мағлубиятини қабул қилиб олди. Ҳисобидаги ғалабалари сони 17 талигича қолди. У бундан аввалги жангида Марвин Витторини очколар ҳисобига кўра мағлубиятга учратган эди. 

Нассурдин Имавов эса бугун 18-ғалабасини тантана қилди. Мағлубиятлари 4 та, унинг иштирокидаги битта жанг эса ўтказилмаган деб топилганди. У бундан аввалги жангида  Роман Долидзени очколар ҳисобига кўра таслим этган эди.