14 июл 13:46
Янгиликлар
![](/upload/storage/305303_220.jpg)
UFC on ESPN 59 турнирининг барча натижалари битта хабарда
Оқшомнинг марказий жанги аёллар ўртасида биринчи енгил вазн тоифасида собиқ UFC чемпиони Роуз Намаюнас ҳамда шу кунгача ғалабали серия билан келаётган Трэйси Кортез ўртасида ўтказилди. Беш раунд тўлиқ давом этган жангда тажрибали Роуз ҳакамларнинг якдил қарори (48-47, 49-46, 49-46) билан ғалаба қозонди.
Ко-мэйнивент жангида россиялик ярим ўрта вазн тоифаси вакили Муслим Салихов ҳакамларнинг айри қарорига кўра аргентиналик Сантьяго Понзиниббиодан устун келди. Тенг кечган жангда ҳакамларнинг икки нафари Муслимга, яна бири Сантьягога ғалабани тақдим этган. Бу билан Салихов иккита мағлубиятли сериясини ёпишга муваффақ бўлди.
Аҳамияти жиҳатидан карднинг учинчи тўқнашувида Дрю Добер ўнг кўзидаги жароҳат сабаб жангни якунига етказа олмади. Натижада учинчи раундда техник нокаутли мағлубият ёзилди. Икки йиллик танаффусдан сўнг октагонга қайтган қозоғистонлик Мария Агапова бироз кутилмаганда биринчи раунддаёқ ютқазиб қўйди. Бразилиялик Луана Сантос Агаповани бўғиб қўйди. Бу Мариянинг кетма-кет қабул қилиб олган учинчи мағлубияти бўлди.
Шунингдек, бугунги турнирда Жулиан Эроса, Чарльз Жонсон, Монтел Жексон ва Эван Элдерлар ҳам муддатидан аввал ғалаба нишасидини суришди.
Фикрлар