UFC on ESPN 59 турнирининг марказий жанги ҳам тўлиқ давом этди + ФОТО

Оқшомнинг марказий жанги аёллар ўртасида ўта енгил вазн тоифасида ўтказилиб, унда собиқ чемпион Роуз Намаюнас Трэйси Кортесга қарши октагонга чиқди. Беш раундлик жанг тўлиқ давом этди ва унда тажрибали Намаюнас ҳакамларнинг якдил қарори билан очколар (49-46, 49-46, 48-47) ҳисобига кўра ғалаба қозонди. 

Эътиборлиси, Трэйси Кортес 11 та жангдан бери ғалабага эришиб келаётган эди. Ғалабаларининг сўнгги 5 тасини у UFC октагонида қўлга киритганди. Бугун у мағлубият аламини тотиб кўрди. Роуз эса шу йилнинг 24 март куни Лас-Вегас шаҳрида ўтган UFC Vegas 89 турнирида бразилиялик Аманда Рибасни очколар бўйича ютганди. Бугун Намаюнас фаолиятидаги 16-ғалабасини тантана қилди. Ҳисобидаги мағлубиятлари сони 6 талигича қолди.