UFC on ESPN 60 турнирининг барча натижалари битта саҳифада + ФОТОГАЛЕРЕЯ

Хабар берганимиздек, Apex аренада ўтган UFC on ESPN 60 оқшомининг марказий жанги аёллар биринчи енгил вазн тоифасида Вирна Яндироба ҳамда камар учун собиқ даъвогар Аманда Лемос ўртасида ташкил этилди. Бразилияликлар жангида иккинчи раунд тугашига 12 сония қолган бир пайтда Вирна самбишен эвазига номдор ҳамюртини таслим этди. 

Турнирнинг аҳамияти жиҳатидан иккинчи жангида америкалик ярименгил вазн тоифаси вакили Стив Гарсия кетма-кет тўртинчи ғалабасини тантана қилди. У тўрттала жангини ҳам муддатидан аввал якунлаган. Стив биринчи раундда кореялик Сен Ву Чойни техник нокаутга учратди.

"Кореялик супербой" Ду Хо Чой бир ярим йиллик танаффусдан сўнг октагонга қайтди. Осиёлик жангчи америкалик Билл Алжиони иккинчи раундда техник нокаут билан таслим этди. 

Тожикистонлик аралаш яккакураш устаси Лоик Ражабов уч раунд тўлиқ давом этган жангжа Трей Огденга очколар ҳисобига кўра имкониятни бой бериб қўйди.

Курт Холобау Кайнан Крушевскини, Миранда Мэверик Дион Барбосани, Луана Каролина Люси Пудиловани, Томас Петерсен Муҳаммад Усманни очколар ҳисобига кўра мағлубиятга учратди.

Шунингдек, бугунги оқшомда Бруно Сильва, Хайдер Эмил ва Коди Гибсон ҳам рақибларини муддатидан олдин мағлуб этишнинг уддасидан чиқишди.