21 июл 09:18
Янгиликлар

Бокс/ММА

UFC on ESPN 60 турнирининг марказий жанги муддатидан аввал якунланди

Бироз аввал АҚШнинг Невада штати Лас-Вегас шаҳрида навбатдаги UFC турнири ўз якунига етди.

Apex аренада ўтган UFC on ESPN 60 оқшомининг марказий жанги аёллар биринчи енгил вазн тоифасида Вирна Яндироба ҳамда камар учун собиқ даъвогар Аманда Лемос ўртасида ташкил этилди.

Бразилияликлар жангчи хонимлар ўртасидаги баҳс муддатидан аввал якунланди. Иккинчи раунд тугашига 12 сония қолган бир пайтда Вирна самбишен эвазига номдор ҳамюртини таслим этди. Яндироба томонидан қўлланилган усун йил самбишенига даъвогарлик қилиши айтилмоқда.

Жанг олдидан Лемос вазн рейтингида учинчи, Яндироба эса бешинчи ўринни эгаллаб турганди. Вирна кетма-кет тўртинчи ғалабасини қўлга киритди. Энди у катта эҳтимол билан дивизионнинг амалдаги чемпиони, хитойлик Вейли Чжаннинг камарига даъвогар бўлади.