UFC оролдаги турнирлар орқали 1 миллиарддан ортиқ даромад олмоқчи! Бунинг учун қанча ҳаражат керак?

UFC президенти Дана Уайт ҳеч ким қила олмаган ишни уддалади. У барча дунё спорти карантинда ўтирган бир пайтда, барибир 18 апрель куни UFC кечасини ташкил қилмоқда. Ташкилот раҳбари хусусий оролни икки ойга ижарага олди, бу оролда ҳар ҳафта UFC кечалари ташкил қилинади. Жангчиларнинг ҳар бирига алоҳида шахсий самолётлар юборилади ва керакли манзилга олиб келинади. Фақатгина йўл ҳақининг ўзи UFCга ҳафтасига 2 миллионга тушади.

UFC оролда битта турнир ташкил қилиши учун қанча сарфлайди?

Аслида UFC тарихидаги энг узоқ кутилган жанг оқшоми Нью-Йоркда бўлиши лозим эди, лекин коронавирус сабабли бутун дунё карантинга тушиб қолди, бунинг оқибатида Хабиб Нурмагомедов ҳам жангдан воз кечди. Шунга қарамасдан Дана Уайт охиригача ўз фикрида турди ва жанг бўлишга оз қолганда манзилни эълон қилди. UFC кечаларига Калифорниянинг ҳиндулар яшайдиган ҳудуди мезбонлик қилади. Жангларга "Tachi Palace Resort Casino" аренаси мезбонлик қилиши маълум бўлди.

Бу оролда бир киши учун бир суткалик жой нархи тахминан 145-875 долларга тенг. UFC 249 кечасида 12 та жанг бўлади, демак 24 та жангчи иштирок этади ва уларнинг ҳар бирини яна биттадан секундантлари бўлишини ҳисобга олсак, спортчи ва уларнинг жамоадошлари яшашлари учун UFC бир ҳафтада 126 минг доллардан воз кечади.

Лекин бу барчаси эмас. UFC учун энг қиммат нарса - бу, жангчиларни оролга олиб келиш бўлади. Сабаби ҳозир бутун дунё карантиндалигини ҳисобга олсак, ҳаво қатновлар чекланган. Шу боисдан, UFC ҳар бир жангчининг жамоасини ҳусусий самолётда олиб келади. Ҳозирги шароитни ҳисобга олсак, UFC биттада 50 нафар одамни олиб келмайди ва унинг ўрнига 3 марта 16 кишидан олиб келишни афзал кўради. Бундай парвозлар учун эса айнан "Bombardier Challenger 850" самолёти мос тушади.

Унинг ҳар бир соат парвоз нархи 11 500 доллар! Демак UFC йўл ҳақи учун 2 миллиондан ортиқ маблағ сарфлайди. Умуман олганда UFC битта кеча учун тахмиман 2,3 миллион доллар харажат қилади. Демак орол икки ойга саккизта турнир учун ижарага олинди. Шу тариқа, UFC саккизта турнир учун умумий ҳисобда 21 миллион доллар сарфлайди.

UFC икки ой ичида 20 миллион доллар сарфлаб, катта даромад олиши аниқ
Бойдан пул кетса кетибди дейиш мумкин? Лекин Дана Уайт ҳеч қачон зарарига иш қилмаган ва қилмайди ҳам. Унинг биттагина UFC 249 кечасининг пуллик трансляциядан оладиган даромади тахминан 90 миллион доллар бўлади -  агар трансляция нархи 60 доллар бўлса. Агар нархни 75 долларга оширадиган бўлса ва тахминан 2 миллион нафар одам жангни сотиб олса, 150 миллион доллар Дананинг чўнтагида дегани.

Бу фақатгина битта оқшомдан тушадиган трансляция нархи. Агар бутун дунёда спорт йўқ эканлигини ҳисобга олсак, UFC икки ой ичида миллиард доллардан ортиқ фойда кўриши мумкин. Мана нима учун Дана Уайт бор кучи билан ушбу жангларни ташкил этишга ҳаракат қилди!

Агарда бу режаларнинг барчаси ўхшаса, Дана ҳақиқатдан ҳам доно эканлигини исботлайди.

Ниғмонхўжа Нозимов тайёрлади