16 апр 17:50
Янгиликлар

Бокс/ММА

UFC президенти бекор бўлган Дариуш - Оливейра жанги тақдирига муносабат билдирди

UFC промоушени раҳбари Дана Уайт енгил вазн тоифаси вакиллари Бенеил Дариуш ва Чарльз Оливейра ўртасидаги бекор бўлган жанг тақдири ҳақида гапирди.

Унинг айтишича, ушбу жанг катта эҳтимол билан кечроқ муддатга кўчирилади. Шу йўл билангина кўпчилик қизиқиш билан кутаётган жангни сақлаб қолиш мумкин. Оливейранинг машғулотда олган жароҳати сабабли 6 май куни UFC 288 турнири доирасида ўтказилиши керак бўлган ушбу жанг бекор бўлган эди.

"Ҳозир биз Оливейра - Дариуш жанги юзасидан маслаҳатлашяпмиз. Душанба куни якуний қароримизни эълон қиламиз. Дариушнинг омади келмади. Катта эҳтимол билан бу жангни сақлаб қоламиз ва кечроқ муддатга кўчирамиз", — деди бугунги матбуот анжуманида Дана Уайт.

Таъкидлаш жоиз, айнан шу жанг ғолиби енгил вазнда UFC чемпиони Ислам Махачевнинг камарига расмий даъвогарга айланади.