08 июн 09:04
Янгиликлар
Бокс/ММА
UFC президенти Жон Жонс - Стипе Миочич жанги санасини ошкор қилди
Жон Жонс ва Стипе Миочич ўртасида оғир вазнда вақтинчалик UFC чемпионлик камари учун жанг ўтказилади.
UFC президенти Дана Уайтнинг айтишича, ушба жанг сентябрь ёки ноябрь ойида ташкил этилади.
"Ҳа, тиззаси операция бўлган Фрэнсис Нганну тикланишда давом этяпти. У узоқ муддат жанг қила олмайди. Шундан келиб чиқиб биз Жон Жонс ва Стипе Миочич ўртасида вақтинчалик камар учун жанг ташкил қилмоқчимиз. Жанг Лас-Вегас ёки Нью-Йоркда бўлиб ўтади", - деди UFC раҳбари.
Маълумот учун, 34 ёшли Жон Жонс сўнгги жангини 2020 йилнинг февраль ойида ўтказганди. Ўшанда у яримоғир вазндаги UFC чемпионлик камарини Доминик Рейесдан ҳимоя қилганди. 39 ёшли Стипе Миочич эса ўтган йилнинг март ойида Фрэнсис Нганнуга нокаут эвазига мағлуб бўлган эди.
Ҳавола :
Манба : fighttime
Фикрлар